18 От ыйа 18.07
  • 18°
  • $ 88,09
  • 96,3

Эбээн Бытантай салалтата устудьуоннарыгар бириэмийэлэри туттарда

Читайте нас на
Яндекс Новости
ЯДВ

Ааспыт нэдиэлэҕэ улуус баһылыга Иван Горохов Эбээн-Бытантай улууһун устудьуоннарын кытта көрүстэ. Улуус үрдүнэн 112 устудьуон орто уонна үрдүк үөрэх кыһаларыгар үөрэнэллэр.


Тоҕус ыччат дойду киин куораттарыгар үөрэнэллэр. Баһылык улуус олоҕун-дьаһаҕын туһунан, биллэр политическай уонна общественнай деятель Р.И. Шадрин төрөөбүтэ 125 сылын көрсө элбэх кэскиллээх тэрээһиннэр, тутуулар бараары туралларын сырдатта.

Орто үөрэххэ үөрэнэр устудьуоннар ортолоругар улуус баһылыга 10 000 солк. суумалаах граны бастыҥнык үөрэнэр, быйыл финансовай- экономическай коллеһы бүтэрэр Горохова Марияҕа туттарда. Үрдүк үөрэх устудьуоннарыттан 15 000 солк. суумалаах улуус бириэмийэтин ХИФУ омук тылын факультетын быйыл бүтэрэр үөрэх бастыҥа Сайаана Тарабукина тутта.

Маны сэргэ  10 үөрэххэ, олоххо көхтөөх устудьуоннар грамоталары туттулар. Итиэннэ быйыл үөрэҕи бүтэрэр устудьуоннарга улуус баһылыгын эҕэрдэ суруктарын кытта сэмэй бэлэхтэр, бары устудьуоннарга көмө харчы туттарылыннылар.

Мустубут устудьуоннары Ил Тумэн депутата Елена Голомарева эҕэрдэлээтэ, махтал суруктары туттарда. Көрсүһүүгэ Аллараа-Бытантай уонна Үөһээ-Бытантай нэһилиэктэрин куратордара Любовь Джабраилова, Афанасий Старостин, ыччат политикатын министерствотын үлэһиттэрэ кыттыыны ыллылар, эстрада сулуһа Олимпия, устудьуоннар бэйэлэрэ ыллааннар эҕэрдэлэрин тиэртилэр.

Көрсүһүүнү Дьокуускайга биир дойдулаахтар түмсүүлэрин салайааччыта Ньургуйаана Сыроватская иилээн-саҕалаан ыытта.

Следите за самым важным и интересным в Telegram-канале и WhatsApp-группе ЯСИА