20 Атырдьах ыйа 20.08
  • 14°
  • $ 59,13
  • 59,39

Эбээх биэкэрдэрин туһунан edersaas.ru суруйда

16:02, 25 ноября 2020
Текст:

Орто Халыма улууһун Эбээх нэһилиэгин олохтоохторо биэкэрдэр үлэлэрин олус убаастыыллар. Кинилэр минньигэс килиэптэрин үөрүүнэн атыылаһаллар, суруйар edersaas.ru


Нэһилиэк биэкэрдэрин туһунан Эбээхтэн уопсастыбаннай кэрэспэдьиэн Людмила Никитина бу курдук кэпсиир:

— Маҕаһыын атыылааччыта  Наталья Винокурова  орто оскуоланы 1977 сыллаахха бүтэрэн баран, кооперативнай техникумҥа үөрэнэн, атыылааччы идэтин ылан, дойдутуга төннөн кэлэн маҕаһыыҥҥа үлэлээбитэ 40-тан тахса сыл буолла. Ол тухары кини «Колымторг» тэрилтэтигэр атыылааччынан, сэбиэдиссэйинэн, билигин чааһынай маҕаһыыны аһан, килиэп атыылааччынан үлэлиир. Атыылаһааччыга эйэҕэс сыһыаннааҕын, эҥкилэ суох үлэтин, өрөспүүбүлүкэҕэ атыы-эргиэн салаата сайдыытыгар кылаатын иһин анал бэлиэнэн наҕараадаламмыта. Кини быйыл  сайын үбүлүөйдээх 60 сааһын туолбута. Ийэтэ  Мотрена Гуляева эмиэ атыыһыт. ССРС атыыга-эргиэҥҥэ эйгэтин туйгуна. Билигин 96 саастаах нэһилиэк ытык кырдьаҕаһа. 

Килиэп астааччы  Анастасия Винокурова  оскуолатын 1978 сыллаахха бүтэриэҕиттэн «Колымторг» тэрилтэтигэр  өр сылларга биэкэринэн үлэлээбитэ. Евдокия Гуляева киниэхэ көмө киһинэн бэкээринэҕэ үлэҕэ киирбитэ. Ол саҕана оһохторун маһынан оттон, уу баһан, элбэх килиэби астыылларын кэпсииллэр. Оттон Наталья Гуляева  эмиэ биэкэрдэр ханна эмэ бардахтарына, солбуйа түһэн, килиэп астааччынан  сылдьар.  Ону таһынан кини нэһилиэк олохтоохторугар ким туох кыһалҕалаахха барытыгар көмөлөһөр киһинэн буолар.

Биэкэрдэр нэһилиэк олохтоохторун минньигэс килиэбинэн  аһатар баар-суох дьон.

Следите за самым важным и интересным в Telegram-канале и WhatsApp-группе ЯСИА
0
0