12 Атырдьах ыйа 12.08
  • 17°
  • $ 60,62
  • 62,52

"Дыгын оонньууларын" кыттааччылара билиннилэр

15:04, 26 апреля 2021
Текст:

Быйылгы «Дыгын оонньууларын» кыттыылаахтара билиннилэр. Ааспыт өрөбүллэргэ бүтэһик үс путевка оонньоммутун Бүлүүттэн Дмитрий Петров, Уус-Алдантан Никита Новгородов уонна Дьокуускайтан Айсен Елисеев ыллылар. Бөҕөстөр үһүөн «Дыгын оонньууларын» сэттэ төгүллээх чөмпүйүөнэ Иван Белолюбскай «Боотур» кулуубун иитиллээччилэрэ. 


Бөҕөстөр урут «Дыгыҥҥа» кыттыбыт уопуттара суох.

Санатабыт, сайын «Дыгын оонньууларын» кыайыылааҕын аатын барыта 12 бөҕөс былдьаһыа. Амматтан Леонид Филиппов, Намтан Вячеслав Дьяконов, Горнайтан Дьулустаан Ноговицын, Тааттаттан Николай Матаннанов, Хаҥаластан Егор Филиппов, Сунтаартан Тимофей Большаков, Намтан Артем Варданян, Амматтан Владимир Федоров, Чурапчыттан Павел Друзьянов.

Следите за самым важным и интересным в Telegram-канале и WhatsApp-группе ЯСИА
0
0