Ил Дархан Айсен Николаев сорудаҕынан устудьуоннар этэрээттэрин байыастара — М.К.Аммосов аатынан ХИФУ бастакы сүһүөх идэлээх сойуустарын уонна «Эдэр гвардеецтар» көхтөөх кыттааччылара Дьааҥыга Дулҕалаахха көмөлөһөллөр.
Устудьуоннар от ыйын 15 күнүттэн үлэлии сылдьаллар.
Дьиэлэртэн ууну хачайдаан таһаараллар, муостаны куурдаллар, олохтоохторго оттук маһы, дьиэлэри кыстыкка бэлэмнэһэллэр, ону да таһынан араас үлэ элбэх.
