Дойду ИТ- индустриятын уобалаһыгар бастыҥ исписэлиистэр бүгүн Дьокуускайга «Цифровой алмаз» бастакы федеральнай форумҥа муһуннулар. Икки күн устата форум 1000-тан тахса кыттааччыта дойду 63 регионуттан информационнай технологиялар, цифровой медиа уонна оонньуу индустриятын эйгэтигэр үөскээбит ыҥырыылары уонна кыһалҕалары дьүүллэһиэхтэрэ. Арассыыйа технологическай держава быһыытынан сайдарыгар ураты болҕомто ууруллар, диэн СИА кэпсиир.
«Саха сирэ бэйэтин баайынан, айылҕатынан аатырар. Ол эрээри, билигин өрөспүүбүлүкэни үгүстүк саҥа технологиялары, креативнай индустриялары, ИТ-сектордары кытта ассоциациялыыллар. Саха сирэ — Уһук Илин уокурукка саамай улахан экономикалаах регион, сир баайын саппааһынан дойду үрдүнэн. Билигин биһиги, Саха сиригэр -хас даҕаны улахан суолталаах, аан дойду бөдөҥ ИТ-хампаанньалара чочуллан таҕыстылар диэн киэн тутта кэпсиэхпитин сөп», — диэн өрөспүүбүлүкэ сайдыытын корпорациятын генеральнай дириэктэрэр Афанасий Саввин бэлиэтээтэ.
