Дьокуускайга сөтүөлүүр сир арыллыыта бу нэдиэлэ бүтэһигэр көстө. Билигин персонал үөрэнэр, территорияҕа дьон куттала суох сылдьалларыгар усулуобуйа оҥоһуллар, СИА-ҕа куорат дьаһалтата эттэ.
Мэрияҕа эппиттэринэн, уу уонна кумах анаалыстара кутталлаах микроорганизмнар суохтарын көрдөрбүт. Ити эрээри пляж билигин толору күүһүнэн үлэлииргэ бэлэмэ суох, тэрээһин үлэлэр ыытыллаллар.
Куорат сөтүөлүүр сиригэр икки өттүттэн киириилээх — сүрүн киирии уонна 203 микрооройуон өттүттэн. Акватория сарсыарда 9-тан киэһэ 21 чааска диэри үлэлиэҕэ.
