Дьокуускайга полиция сотрудниктара, көрдүүр тэрээһиннэрин кэмигэр, ыам ыйын бүтүүтэ сүппүт 30 саастаах дьахтары буллулар.
«Дьахтар бу кэм устата Марха микрооройуоҥҥа билэр дьонугар олорбут», — ИДьМ Саха сиринээҕи салаатын пресс-сулууспата бээтинсэҕэ биллэрдэ.
Дьахтар сүппүтүн туһунан сайабылыанньа бэс ыйын 11 күнүгэр полицияҕа киирэр. Кини үс сокуоннай сааһын туола илик оҕолоох. Оҕолор эбэлээх эһэлэригэр сылдьаллар. Быраабы араҥаччылыыр уоргаҥҥа иһитиннэрбиттэринэн, дьахтар арыгылыыр.
Эрдэ Холуобунай кодекс баайга-дуолга ыстатыйатынан эппиэтинэскэ тардылла сылдьыбыт.
