Дьокуускайга үгэскэ кубулуйбут Бастакы Маайдааҕы сэлэлии хаамсыыттан эмиэ аккаастаннылар. ЯСИА-ҕа өрөспүүбүлүкэтээҕи идэлээх сойуустар Федерациялара иһитиннэрбитинэн, быһаарыы муус устар 3 күнүгэр сэбиэт мунньаҕынан ылыллыбыт.
«Ыам ыйын 1 күнүгэр Дьокуускайга сэлэлии хаамсыы буолбат, ити эрээри атын тэрээһиннэр, хаамсыылар улуустарга ыытыллыахтарын сөп. Киин куоракка Доҕордоһуу болуоссатыгар Саха сирин үлэһит дьонун чиэстээһин буолуоҕа», — диэтилэр Федерация пресс-сулууспатыгар.
Ленин проспегынан Маайдааҕы хаамсыы бүтэһигин 2019 сыллаахха ыытыллыбыта.
