25 От ыйа 25.07
  • 29°
  • $ 86,55
  • 94,38

Дьокуускайга эр киһи биэнсийэлээҕи подъеһыгар ситэн кэлэн суумкатын уорда

Читайте нас на
Яндекс Новости
ЯДВ

Дьокуускайга элбэх кыбартыыралаах дьиэ подъеһыгар биэнсийэлээҕи халаатылар. Уоруйах дьахтары баан офиһыттан дьиэлэригэр диэри батыһан кэлбит. Кини биэнсийэлээҕи кытары биир оптуобуска олорбут онтон батыһан тахсыбыт, дьиэҕэ киирсибит. Дьахтар лифтан тахсыытыгар суумкатын хаба тардан куоппут. Саха сирин ИДьМ пресс-сулууспатыгар иһитиннэрбиттэринэн, суумкаҕа баан каартата уонна 2600 солк. баар кумааҕы харчынан баар эбит.

Буруйу оҥоруну кирилиэс площадкатыгар туруоруллубут камера уһулбут.

Полиция үлэһиттэрэ уорбаланааччыны түргэнник буллулар. Бу эрдэ уорууга сууттана сылдьыбыт 29 саастаах эр киһи. Уоруйах былдьаабыт суумкатын аара суолга бырахпыт, кумааҕы харчытын бэйэтин наадатыгар туһаммыт. Дьахтар баан картатын тута блокируйдаабыт.

Холуобунай дьыала тэрилиннэ.

Следите за самым важным и интересным в Telegram-канале и WhatsApp-группе ЯСИА