27 Тохсунньу 27.01
  • -48°
  • $ 73,82
  • 83,32

Дьокуускайга аҕалар сийиэстэрэ үлэтин саҕалаата

12:30, 05 апреля 2017
Текст:

Муус устар 3 күнүттэн Дьокуускайга  Аҕалар II сийиэстэрэ саҕаланна. Манна бары улуустартан 550 дэлэгээт талыллан кэллэ. Сийиэс «Аҕа дьиэ-кэргэн бигэ тирэҕэ, дьиэ-кэргэн — дойду бигэ тирэҕэ!» диэн девизтээх биэс күн устата ыытыллыаҕа.

Бу күн аҕалар “төгүрүк остуол” тула олорон аныгы үйэҕэ оҕону иитии, аҥаардас төрөппүттэр кыһалҕаларын, уолу эр киһилии иитэр наадатын туһунан, о.д.а. кэпсэппиттэрэ, уопут атастаспыттара.

Муус устар 5  күнүттэн үс былаһаакканан үлэлиэхтэрэ. Манна аҕалар хамсааһыннарын, уопсастыбаҕа аҕа оруолун, эппиэтинэһин үрдэтии, дьиэ кэргэн туруктаах буолуутун бөҕөргөтүү туһунан, о.д.а. кэпсэтиэхтэрэ.

Муус устар 6 күнүгэр, сийиэс пленарнай мунньаҕын кэмигэр маастардар уус-уран оҥоһуктарын уонна предпринимателлэр саҥа технологияларын көрдөрөр быыстапкалар үлэлиэхтэрэ.

Пленарнай мунньахха бары хайысхаларынан этиилэри хомуйан, түмүктүүр резолюция ылыллыаҕа уонна улуустарынан үлэ саҕаланыаҕа.

Маны сэргэ, хотугу улуустартан кэлбит дэлэгээттэр медицинэ киинигэр доруобуйаларын көрдөрүнүөхтэрэ, аҕалар бары “Сааскы кэм”, “Көмүөл” испэктээкиллэргэ сылдьыахтара, өссө чөл, доруобай олоҕу тарҕатыһан ГТО нуорматын туттарыахтара.

Онтон дэлэгээттэр аһымал акцияҕа кыттыахтара уонна сийиэһи эр дьон сүрүн көтөҕөр оһуохайынан түмүктүөхтэрэ, диэн edersaas.ru иhитиннэрэр.

0
0
Тутаах тыллар
27 января 27.01
  • -48°
  • $ 73,82
  • 83,32