Саҥа дьыссааттар тутуллан уонна дьиэлэр атыылаһыллан, 2019 сыл саҕаланыаҕыттан Дьокуускай куоракка оскуола иннинээҕи саастаах оҕолор тэрилтэлэригэр 1908 эбии миэстэ таһаарылынна. Бу туһунан быһа эфир кэмигэр куорат баһылыгын солбуйааччы Наталья Степанова эттэ.
Наталья Степанова бэлиэтээбитинэн, СӨ бырабыыталыстыбата уонна куорат дьаһалтата үлэлэрин биир хайысхатынан оскуола иннинээҕи саастаах оҕолор тэрилтэлэрин элбэтии буолар.
«2019 сыл саҕаланыытыттан эбии эбийиэктэри ыллыбыт — 203 микрооройуоҥҥа «Цветик-семицветик» оҕо саадын, «Ивушка» 75 №-дээх дьыссаат , Тулагы-Килдэм нэһилиэктэригэр уонна Сыырдаах бөһүөлэгэр. Маны сэргэ баар оҕо тэрилтэлэригэр эбии дьиэлэри биэрдибит. Онон 2-тэн 3-гэр диэри саастаах оҕолору тэрилтэнэн хааччыйыыга үлэлиибит», – диэтэ Степанова.
Кини этэринэн, куорат уочаратыгар 2-тэн 3-гэр диэри 6000 оҕо баар.
