Ыам ыйын 18 күнүгэр Дьокуускай-Аллараа Бэстээх хайысханан аэроботтар айаннара, хойуу муус барыытыттан, тохтотулунна, диэн ЯСИА иһитиннэрэр.
«Айаны тэрийиини бөртөлүөттэр оҥоруохтара. Тырааныспар министиэристибэтин иһитиннэриитинэн, күнүс 12 чааска Маҕантан бөртөлүөт көтүүтэ былааннанар. Бүгүн өрүскэ быһыы-майгы куттала суох, хойуу, кытаанах муус барар. Аэроботтар уонна салгын олбохтоох суудуналар айаннара ыам ыйын 18 күнүгэр тохтотулунна. Сарсын айан сөргүтүтүллүөн сөп, барыта муус барыытыттан тутулуктаах. Бэҕэһээ дьону тиэйиигэ-таһыыга сэттэ аэробот уонна түөрт салгын олбохтоох суудуна үлэлээбитэ», — диэн «Ленаводсервис» хампаанньа салайааччыта Борис Строев ЯСИА-ҕа эттэ быһаарда.
