Ыам ыйын 19 күнүттэн Дьокуускай — Аллараа Бэстээх маршрутунан салгын олбохтоох суудуналарынан пассажирдары таһыыга тарыып кыччаата. Айан сыаната билигин 3000 солкуобайга тэҥнэһэр, диэн ЯСИА иһитиннэрэр.
«Өрүскэ быһыы-майгы холкутуйда, муус устар. Ыам ыйын 19 күнүгэр тиэйии сыаната үс тыһыынча солкуобай буолар. Линияҕа биригээдэ барыта таҕыста», — диэн ЯСИАҕа «Ленаводсервис» хампаанньа салайааччыта Борис Строев иһитиннэрдэ.
Салгын сыттыктаах суудуналар күн аайы 07:00 — 20:00 чааска рейстэри толороллор. Дьокуускайтан 204-с микрооройуоҥҥа баар «Намыв» ыстаансыйаттан айанныыллар.
