Дьокуускай аэропордугар Туполев конструкторскай бюротун 100 сылыгар уонна аатырбыт Ту сөмөлүөттэргэ анаммыт хаартыска быыстапката аһылынна, диэн аэропорт пресс-сулууспата иһитиннэрдэ.
Саха авиациятын историятыгар Ту-154 сөмөлүөт биллэр суолу хаалларбыт ол иһин быыстапка үгүс хаартыскалара киниэхэ ананар.
1957 сыл кулун тутар ыйга Дьокуускай аэропордугар Ту- 104 сөмөлүөт намыһах температура усулуобуйатыгар бастакытын боруобаны ааспыта. Саҥа улахан сөмөлүөтү өрөспүүбүлүкэ киин куоратын олохтоохторо уонна ыалдьыттара көрсүбүттэрэ.
Бастайааннай сырыыга Дьокуускайга Ту-154 сөмөлүөт аан бастаан 1983 сыллаахха кэлбитэ. Кэлин маннык типтээх сөмөлүөттэр «СахаАвиа», «Якутские авиалинии», «Полярные авиалинии», «Якутия» уонна «АЛРОСА» авиахампаанньалар аҕалбыттара.
Ту- 154 сөмөлүөт Арассыыйаҕа бүтэһик көтүүтүн 2020 сыл алтынньы 28 күнүгэр оҥорбута. Бу Мииринэйтэн Новосибирскай куоракка «АЛРОСА» авиахампаанньа рейсэ этэ. Сөмөлүөт 2019 сылга, эксплуатацияттан тахсыбыта.
