19 От ыйа 19.07
  • 17°
  • $ 87,88
  • 96,1

Дьарыктаах буолуу сулууспата наадалаах идэлэргэ үөрэтэр

10:01, 02 ноября 2020
Текст:
Читайте нас на
Яндекс Новости
ЯДВ

Үлэ ырыынагар сүрүн кыһалҕа — үлэтэ суохтар баар вакансияларга сөп түбэһэр үөрэхтэрэ суоҕа буолар, диэн Саха сиринээҕи дьарыктаах буолуу киинэ иһитиннэрдэ. Онон наадалаах идэлэргэ үөрэтии ыытыллар. 


Саха сиригэр ылыллар бырагыраамалар миэрэлэригэр олоҕуран, 1000-тан тахса киһи үлэ булла. Коронавирус пандемиятыттан кыһалҕалары көрбүт дьон үлэлээх буоларыгар уонна экономика салааларыгар эмсэҕэлээбит тэрилтэлэр ирдэбиллэрин толорууга анаан тустаах киин наадалаах идэлэргэ дьону үөрэтэр.

Үлэтэ суохтарга уонна үлэтэ суох хаалар кутталлаах дьоҥҥо анаан уопсастыбаннай үлэлэри тэрийэр уонна быстах дьарыкка көҕүлүүр. Бу салааҕа бииргэ үлэлэһэр тэрилтэлэр үлэһиттэригэр хамнастарын сороҕун төлөһөр. Үлэтэ суохтар быстах кэмҥэ үлэлииллэригэр босуобуйалара оннунан хаалар, быһыллыбат.

Алтынньы 28 күнүнээҕи туругунан учуокка 33130 киһи турар. Үлэһиккэ наадыйааччы тэрилтэлэр биллэрбиттэринэн, 9426 вакансия баар.

Ордук наадалаах: суоппар, слесарь, анал техника машиниһа, тэрилтэ ис үлэһиттэрэ, электромонтер, уборщик уонна ис-тас үлэһит. Маннык идэлээхтэргэ наадыйыы ордук – инженер, быраас, учуутал, медицинскай сиэстэрэ, фельдшер, менеджер, СИА-ҕа биэдэмистибэ пресс-сулууспата иһитиннэрдэ.

Следите за самым важным и интересным в Telegram-канале и WhatsApp-группе ЯСИА