Өрөспүүбүлүкэ народнай суруйааччыта, П. А. Ойуунускай аатынан судаарыстыбыннай бириэмийэтин лауреата Василий Семенович Яковлев-Далан тус библиотекатын Саха национальнай библиотекатын пуондатыгар туттардылар. Коллекцияны суруйааччы кыыһа Ольга Васильевна Анисимова тиксэрдэ.
«Аҕабыт библиотекатын сороҕун биэрии биһиэхэ улахан суолталаах, биһиги аҕабыт норуотун туһугар олорбута, киниэхэ бэлэхтээбит эбэтэр кини биэрбит кинигэлэрэ Саха сирин олохтоохторун духуобунай сайдыыларыгар туһалыахтара диэн эрэнэбит», — диэтэ Ольга Васильевна.
Коллекцияҕа 608 докумуон баар, ол иһигэр — үс рукописнай альбом, «Дьулуруйар Ньургун Боотур» 11 грампластинката, 60-тан тус илии баттааһыннаах кинигэлэр, Саха суруйааччылара суруктаах кинигэлэр киирэллэр.
