24 От ыйа 24.07
  • 28°
  • $ 87,3
  • 95,46

Дьааҥылар үлэни бырайыактааһыҥҥа үөрэннилэр

09:50, 17 октября 2019
Текст:
Читайте нас на
Яндекс Новости
ЯДВ

СӨ Бэйэни салайыныы департаменыттан Дьааҥы оройуонугар куратор Сардана Алексеева салайааччылаах бөлөх алтынньы ый 14, 15 күннэригэр Баатаҕайга үлэлээтэ. Ил Дархан сорудаҕынан бырайыактааһын нөҥүө сомоҕо хамаандалар тэриллэн бииргэ үлэлээһиннэригэр чопчуламмыт үлэни ыыталлар.


Дьааҥыга куратор Сардаана Алексеева иһитиннэрбитинэн, нэһилиэктэр ирдэбил быһыытынан муниципальнай бырайыактарга нуорма-быраап аакталарын сыыһата суох оҥороллоругар үлэлэһэр туһааннаах соруктаах. «Суруллубут, көмүскэммит бырайыактары олоххо киллэрии үөһэттэн хонтуруолланалларынан, генераторынан уонна дьаһаллары ыытыы улуус дьаһалтатын иһинэн ааһар буолан, үлэ улахан эппиэттээх. Бырайыак толоруута чуолкай, кэмигэр буолуохтаах«, — диэтэ кини.

Бэрт сэргэхтик уонна сонуннук ыытыллыбыт трениҥҥэ тэрилтэ салайааччылара, исписэлиистэрэ кытыннылар. «Мамонтовай фаунаттан көстүбүт былыргы кыыллар сэмнэхтэрин быыстапката», «Аҕа дойду сэриитин кэмигэр Литва өрөспүүбүлүкэтигэр биир дойдулаахпыт Эллэй Слепцов көмүс уҥуоҕа хараллыбыт сиригэр барыы», «Дьааҥы куората — Аан Дойду кырдьаҕас куората» диэн бырайыактарынан үлэлиэххэ сөптөөҕүн туһунан этиилэр киирдилэр. Бастакы күн теорияны кытта билсиспит эбит буоллахтарына, иккис күн үлэ сүнньүнэн, бырайыактааһын мененджменин алын куурсуугар сылдьан тустаах тиэмэлээх бырайыак  сөпкө оҥоһуллуутугар хамаанданан арахсан үөрэннилэр.

«Дьааҥы оройуона» МТ баһылыга Гаврил Ильч Чириков саҥа ирдэбиллэри туруорар хайысха үлэтин суолтатын тоһоҕолоото.

Бөлөххө СӨ бырабыыталыстыбатын иһинэн саҥаны киллэрии мененджменин Үрдүкү оскуолатыттан Ксения Филиппова уонна СӨ Аҕа Баһылыгын дьаһалтатын бырайыактааһын  уонна процесснай салалтатын департаменыттан Марат Данилов үлэлээтилэр.

Ааптар: Раиса ЧИРИКОВА, Дьааҥы улууһа

Следите за самым важным и интересным в Telegram-канале и WhatsApp-группе ЯСИА