Халаан уутуттан эмсэҕэлээбит Дьааҥы улууһун Томторугар киһи өллө. Быһылаан от ыйын 12 күнүгэр тахсыбыт.
Саха сирин ИДьМ пресс-сулууспата СИА-ҕа иһитиннэрбиттэринэн, эр киһи угаар гааһынан тыынан өлбүт. «Кини ууну мотопомпа көмөтүнэн хачайдыы сылдьан, угаар гааһынан тыынан өлбүт. Сотору кэминэн дьыала матырыйааллара силиэстийэлиир кэмитиэккэ бэриллиэхтэрэ», — диэн ИДьМ иһитиннэрэр.
Санатан эттэххэ, Дьааҥы улууһугар ардахтан уонна үрэхтэр тахсыыларыттан аҕыс нэһилиэнньэлээх пуун ууга барда. Хас да нэһилиэк ууттан босхолонно. Билиҥҥитэ Баатаҕай, Хайыһардаах уонна Сайдыы нэһилиэктэрэ ууга барар кутталлаахтар.
