Арассыыйатааҕы ЫБМ Ми- 26 бөртөлүөтэ 14 туонна кэриҥэ ыйааһыннаах таһаҕаһы тиэнэн, Дьокуускайтан Баатаҕай бөһүөлэгэр бүгүн көттө. Бөртөлүөт Красноярскайдааҕы авиационнай-быыһыыр киинтэн сүрүннээн аһы-үөлү тиэнэн барда, диэн регион ЫБМ пресс-сулууспатыгар иһитиннэрдилэр.
Эрдэ Дьааҥы улууһугар ардахтаах халаан уутуттан эмсэҕэлээбиттэргэ биир дойдулаахтар ааттарыттан, 2,5 туонна гуманитарнай таһаҕаһы, ону тэҥэ оройуон сирин- уотун чөлүгэр түһэрэргэ ОДьКХ тиэхиникэтинн ыыппыттара.
Быыһааччылар оройуон нэһилиэнньэлээх пууннарыгар гуманитарнай таһаҕаһы түҥэтэллэр. Ааспыт субуотаҕа Дьааҥы сирин-уотун ыраастаабыттара.
