29 Тохсунньу 29.01
  • -48°
  • $ 73,82
  • 83,32

Чычымахха «Кыайыы вальса» үҥкүүгэ күрэхтэһии буолла

15:34, 12 мая 2016

Таатта улууһугар, Чычымахха, «Кыайыы вальса» үҥкүү күрэхтэһиитигэр 12 паара үс бөлөҕүнэн кыттыбыт. Куонкурустаһааччылар бальнай үҥкүүлэри, тустебы, фигурнай вальсы, уо.д.а. толорбуттар.


«Кыайыы вальса» өрөспүүбүлүкэтээҕи үҥкүү күрэстэһиитин кыайыылаахтара, боруонса уонна кыһыл көмүс мэтээллэр хаһаайыттара  Татьяна, Петр Ефимовтар бириистэригэр нэһилиэкпитигэр аан бастаан бальнай үҥкүүгэ күрэхтэһии тэрилиннэ. Кыттааччылар эрдэттэн бэлэмнэнэн, тэрээһин олус сэргэх буолла. Бириистэри Ефимовтар дьиэ кэргэн  туруордулар»,- диэн СИА «Айылгы» сынньалаҥ киин дириэктэрэ Марианна Решетникова иһитиннэрэр.

Түмүккэ оскуола үөрэнээччилэригэр Айыына уонна Дьулусхан Неустроевтар бастаабыттар. Ыччакка Надежда Егорова, Николай Кириллин кыайыылааҕынан тахсыбыттар. Аҕа саастаахтарга Февронья Андросова, Константин Кириллин инники күөҥҥэ түспүттэр. Дохсун ытыс тыаһыгар доҕуһуоллатан кыайыылаахтарга уонна куонкурус кыттыылаахтарыгар сертификаттар, бэлэхтэр туттарыллыбыттар. Нэһилиэк олохтоохторо куонкурустан улаханнык сэргэхсийбиттэр уонна маннык күрэстэһии сыллата тэриллэригэр баҕарбыттар.

0
0
29 января 29.01
  • -48°
  • $ 73,82
  • 83,32