21 Муус устар 21.04
  • $ 93,44
  • 99,58

Чурапчыга култуура уонна ускуустуба тэрилтэлэрин салайаачыларын сэбиэтин бэрэссэдээтэлэ талылынна

Хаартыска: Саҥа олох хаһыат телеграм-ханаала
Читайте нас на
Яндекс Новости
ЯДВ

Чурапчы улууһун баһылыга Степан Саргыдаев уонна улуус депутаттарын сэбиэтин бэрэссэдээтэлэ Яков Оконешников култуура уонна ускуустуба дьиэлэрин салайааччыларын кытта көрүстүлэр. Бу күн култуура уонна ускуустуба тэрилтэлэрин салайаачыларын сэбиэтин бэрэссэдээтэлэ талылынна.

Степан Анатольевич улууска култуура үлэтин-хамнаһын сыаналыырын өйүүрүн биллэрдэ. Инникитин үлэлииргэ соруктары туруорда. Яков Павлович нэһилиэктэр үбүлүөйдээх дьоннорун үйэтитиигэ үлэлэһэллэрин санатта.

Улуустааҕы култуура салалтатын салайааччыта Петр Гуляев Чурапчы улууһун норуот айымньытын дьиэлэрин 3 сыллаах сүрүн хайысхаларын үлэтин билиһиннэрдэ, ол тула кэпсэтии барда.

Хаартыска: Саҥа олох хаһыат телеграм-ханаала

Грантовай үлэ исписэлииһэ Спартак Дьяконов 2023 сыллаахха Казань куоракка 18 салайааччы «Культурно-образовательный тур» баран кэлбиттэрин түмүгэр туох саҥаны билбиттэрин-көрбүттэрин, тэрилтэлэригэр туһаммыттарын, тугу саҥаны киллэрбиттэрин, бырайыактарга үлэлэһэн ситиһиилэммиттэрин кэпсээтэ.

Мунньах түмүгэр култуура уонна ускуустуба тэрилтэлэрин салайаачыларын сэбиэтин бэрэссэдээтэлин кистэлэҥ куоластааһынынан Арыылаах нэһилиэгин И.В. Винокуров аатынан «Туску» норуот айымньытын дьиэтин дириэктэрин Лена Борисованы таллылар, суруйда Саҥа олох хаһыат телеграм-ханаала.

Следите за самым важным и интересным в Telegram-канале и WhatsApp-группе ЯСИА