15 От ыйа 15.07
  • 20°
  • $ 87,74
  • 95,76

Чурапчыга Дархан кыһата үбүлүөйдээх үөрэх сылын үөрүүлээхтик көрүстэ

Читайте нас на
Яндекс Новости
ЯДВ

Быйылгы үөрэх дьыла, Семен Новгородов аатынан Чурапчы орто оскуолатын 150 сылыгар анаан уратытык, үөрүүлээхтик саҕаланна. Дойду үрдүнэн бүрүүкээн турбут балаһыанньа көтүрүллэн бары кылаас кылаас оҕолоругар үөрүүлээх линейкэ Александр Федотов аатынан элбэх функциялаах успуорт уораҕайыгар ыытылынна.

Ол курдук, быйылгы үөрэх дьылыгар 155 кырачаан оҕолор саҥа суумка сүгэннэр, саҥа пуорма кэтэннэр, сибэкки дьөрбөтүн тутаннар оскуола боруогун атыллаатылар. Линейкэ үөрүүлээх чааһыгар улуус Аҕа баһылыга Степан Саргыдаев, Семен Новгородов аатынан Чурапчы орто оскуолатын дириэктэрэ Надежда Уарова, улуус үөрэҕин управлениетын начаалынньыга Юрий Посельскай, Чурапчы улууһун прокурора, юстиция майора Алексей Федоров кытыыны ыллылар.

РФ уонна СӨ Судаарыстыбаннай былаахтарын көтөҕүүгэ “Беркут” БПК чилиэнэ, оскуола лидерэ, 10 гуманитранай кылаас үөрэнээччитэ Айтал Никифоров, Бүтүн Арассыыйатааҕы научнай-практическай кэмпириэнсийэ призера, 11 универсальнай кылаас үөрэнээччитэ Чэмэлиинэ Толстоухова, СӨ аччыгый академиятын наукаларын дьиҥнээх чилиэнэ, 9-с гуманитарнай кылаас үөрэнээччитэ Никита Спиридонов, улуустааҕы олимпиадалар призердара, өрөспүүбүлүкэтээҕи англия тылыгар лингвистэр оонньууларын номинана, 11-с универсальнай кылаас үөрэнээччитэ Алина Захарова көтөхтүлэр.

Бастакы кылааска киирбит үөрэнээччилэри РФ уопсай үөрэхтээһинин Бочуоттаах үлэһитэ Айталина Коркина, үрдүк категориялаах учууталлар Алена Кононова, Лена Хомподоева, Саргылана Седалищева, Кюннэй Неустроева, Наталья Макарова ыллылар. Маҥнайгы кылаас үөрэнээччилэригэр анаан Степан Анатольевич улуус дьаһалтатын аатыттан дневниктэри бэлэх уунна оттон үөрэх управлениетын начаалынньыга Юрий Павлович улууспут хас биирдии үөрэнээччитигэр “Боотур Уус сыдьааннара” диэн түөскэ анньыллар бэлиэлэри туттартаата.

Үөрүүлээх линейкэ кэнниттэн 2-11 кылаас үөрэнээччилэригэр Дойдуга бэриниилээх буолууга аналлаах кылаас чаастара ыытылыннылар.

Сэмэн Жендринскэй. Ааптар хаартыскаҕа түһэриилэрэ

Следите за самым важным и интересным в Telegram-канале и WhatsApp-группе ЯСИА