24 Олунньу 24.02
  • -38°
  • $ 92,75
  • 100,44

Чульман бөһүөлэгэр элбэх кыбартыыралаах дьиэҕэ буолбут баһаар миэстэтиттэн эр киһи өлүгүн буллулар

15:46, 13 сентября 2023
Читайте нас на
Яндекс Новости
ЯДВ

Балаҕан ыйын 13 күн сарсыарда Нерюнгри оройуонун Чульман бөһүөлэгэр элбэх кыбартыыралаах дьиэ умайда. Баһаарынайдар кэлэллэрин саҕана түннүктэн буруолуу турбут.

Саха сиринээҕи ЫБМ  иһитиннэрэринэн, быһылаан туһунан сигнал баһаарынай-быыһыыр сулууспаҕа 06:27 чааска киирбит. Баһаарынайдар аҕыйах мүнүүтэ иһигэр быһылаан тахсыбыт миэстэтигэр кэлбиттэр. Уоту умуруорууга 21 киһи уонна алта тиэхиньикэ кытынна.

Баһаар биир кыбартыыра аанын уонна муостатын ылан 4 кв. м. иэннээх сири эмсэҕэлэппит. Бу дьиэттэн баһаарынайдар биир эр киһи өлүгүн буллулар.

Билигин быһылаан миэстэтигэр баһаар төрүөтүн, буруйдааҕы уонна хоромньуну быһаарарга үлэ барар.

Следите за самым важным и интересным в Telegram-канале и WhatsApp-группе ЯСИА