Чернышевскайдааҕы балык собуота балыгы үөскэтэр хампаанньата түмүктэннэ. Ол курдук Бүлүү водохранилищетыгар 31 мөл. быраҥаатта, 900 тыһ. күндүөбэй личииҥкэлэрин, Бүлүү өрүһүгэр 100 тыһ. чыыр ыаматын ыыттылар.
“Балыгы үөскэтии бырамыысыланнас хампаанньалара айылҕаны харыстыыр тэрээһиннэрин чэрчитинэн барар. Быйыл эмиэ былырыыҥҥы саҕа ахсааннаах ыаманы ыыттыбыт. Атырдьах ыйыгар Бүлүү өрүһүгэр балачча улааппыт 20 тыһ. кээчэрэни ыытар былааннаахпыт”, — диир Чернышевскайдааҕы балык собуотун дириэктэрэ Василий Черепанов.
Санатан эттэххэ, Ил Дархан Айсен Николаев бэлиэтээбитинэн, кэлиҥҥи сылларга өрөспүүбүлүкэҕэ балыгы үөскэтии биллэ күүһүрдэ. Балык собуотун дириэктэрэ эппитинэн, 2023 сылга өрүстэргэ уонна күөллэргэ 32 342 298 устуука балыгы ыыппыттар, ол иһигэр 30 827 298 быраҥаатта, 1,5 мөл күндүөбэй личииҥкэлэрин, 15 тыһ. кээчэрэни. Балыгы үөскэтии “Экология” нацбырайыагынан Бүлүү өрүһүгэр, Бүлүүтээҕи, Светлинскэйдээҕи водохранилищеларга, Үөһээ Бүлүүтээҕи Тимир Күндэ күөлгэ ыытыллар диэн суруйар СӨ Ил Дарханын уонна Бырабыыталыстыбатын пресс-сулууспата.
Источник: Саха сирэ саайт
