Мэҥэ Хаҥалас Петровкатыгар Куон Харах ипподромҥа СӨ бырабыыталыстыбатын бэрэссэдээтэлин бирииһигэр ат сүүрдүүтэ буолла. Хаҥалас улууһун ойдор көмүскээтилэр. Бары бириистээх миэстэҕэ тигистилэр, оттон Кэскил 10 км уһуҥҥа бастаата. Хамаанданы сылгыһыт Иван Ушницкай салайда, диэн тыа хаһаайыстыбатын министиэристибэтин саайтыгар суруйдулар.
«Хаҥалас улууһуттан барыта 5 сүүрүк ат кииристэ. Совьет Серф 2 миэстэ, Тойон, Түмэн уонна Страйбол үһүс, оттон чыыстай саха ата Кэскил 10 км уһуҥҥа бастакынан кэллэ уонна чемпион аатын ылла.
Кэскил жокея Дмитрий Кычкин — эдэр кэскиллээх ат сүүрдээччи. Кыра сааһыттан ат үрдүгэр сылдьар. Хамандаҕа киирбитэ үһүс сыла. Тойону уонна Страйк Болены өссө биир эдэр киһи Андрей Михайлов сүүртэ. Манчаары оонньууларыгар эмиэ кини жокейдаабыта бары аттарга», — диэн Иван Ушницкай кэпсээтэ.
Күрэхтэһии ааспыт өрөбүл күннэргэ ыытылынна.
