Бу сыл олунньутугар үлэҕэ киирбит онкологическай кииҥҥэ 1,7 тыһыынча эпэрээссийэни оҥордулар. Ил Дархан Айсен Николаев бүгүн быһа эпииргэ эппитинэн, бу сыл бүтүөр диэри манна 4 тыһыынча эпэрээссийэни оҥоруохтара, Саха сирэ суруйар.
«Эргэ онкодиспансерга сылга 2,5 тыһыынча эпэрээссийэни оҥороллоро. Ол усулуобуйаларга итиччэ эпэрээссийэни оҥорор кыах баара. Оттон РФ бэрэсидьиэнэ Владимир Путин үөрүүлээх аһыллыытыгар ВКС нөҥүө кыттыбыт саҥа диспансерыгар 1,7 тыһыынча эпэрээссийэ оҥоһулуна. Саҥа оборудование туруоруллан уонна эпэрээссийэлиир блокка хирурдар көмөлөрүнэн үлэ тэтимирдэ. Бу сыл бүтүөр диэри 4 тыһыынча эпэрээссийэ оҥоһулларыгар ааҕынабыт», — диэн Айсен Николаев эттэ.
