14 От ыйа 14.07
  • 19°
  • $ 87,74
  • 95,76

Босиковскай ааҕыыны өрөспүүбүлүкэ таһымныырга эттилэр

17:24, 18 марта 2016
Текст:
Читайте нас на
Яндекс Новости
ЯДВ

Дьокуускай куорат Саха политехническай лицейигэр 2016 сыл кулун тутар 14 күнүгэр лирик поэт, суруйааччылар союзтарын чилиэнэ, Саха республикатын үтүөлээх учуутала, Учууталлар учууталлара В. И. Босиков—Василий Босяк 70-сааhыгар аналлаах «Айыыhыт алгыhынан» куораттааҕы III Босиковскай ааҕыыга уон оскуола кытынна. Кэлэр ааҕыылары өрөспүүбүлүкэ таһымнаах ыытары сүбэлэстилэр.


«Куорат оскуолаларын оҕолорун поэзия эйгэтигэр чугаhатар, сахалыы оскуола концепциятын олоххо киллэрбит учуутал, общественник, поэт олоҕун, айар үлэтин билиһиннэрэн В.И.Босиков-Василий Босяк ытык аатын үйэтитэр, оҕо чинчийэр, санаатын түмэн сааhылаан этэр сатабылын сайыннарар, саха тылын, литературатын, култууратын учууталларын бастыҥ опыттарын тарҕатар сыаллаах ыытыллар тэрээһин олус көхтөөхтүк барар. Уон оскуола кыттыыны ылла», — диэн кэпсииллэр тэрийээччилэр.

«Мин күүстээхпин төрөөбүт тылбынан» чинчийэр үлэ, «Сүгүрүйэбин икки күүскэ: тылга уонна тапталга» уус-уран ааҕыы, «Ымыылаах ыра санаабын ырыа кынаттаан көтүттүҥ ырыа толоруута, «Дьикти алыптаах геройдар өйбөр тиллэн кэллилэр» уруһуй, хоһоон хайсхалар үлэлээтилэр.

Ааҕыы хас биирдии көрүҥэ тыл бырааһынньыгын курдук ааста. Василий Иванович саҕалаабыт үлэтэ Дьокуускай куорат оскуолаларыгар билигин да баарын, салҕана турарын көрдөрдө. «Онон аныгыс сырыыга өрөспүүбүлүкэ оскуолаларын бүттүүн кытыннарыахха баар этэ. Бу туһунан үчүгэйдик толкуйдуохпутун наада», — диэн санаалаах тарҕастылар.

Следите за самым важным и интересным в Telegram-канале и WhatsApp-группе ЯСИА