21 Ыам ыйа 21.05
  • -7°
  • $ 104,68
  • 115,6

Боксер Василий Егоров Польшаҕа барда. Эрчиллэ

12:01, 15 января 2021
Текст:

Боксаҕа тренердэр ыстааптара Токиоҕа буолуохтаах Оонньуулар састааптарын быһаарыыта саҕаланна. Хамаанданы кытта Россия түөрт төгүллээх чөпмүйүөнэ Василий Егоров эрчиллиигэ айаннаата. Олимпийскай баазанан Польша Владиславово куората буолар, суруйар Спорт Якутии.


Владиславово куоракка тохсунньу 13 — 29 күннэригэр хас да дойду боксаҕа сүүмэрдэммит хамаандалара эрчиллиини ааһыахтара. Ол кэннэ эргиир систиэмэтинэн хамаанданан киирсиилэр буолуохтара.

Польша кэннэ кулун тутарга Кисловодскайга бэлэмнэнии буолуоҕа, онно эмиэ Узбекистан, Казахстан уонна Куба сүүмэрдэммит хамаандаларын кытта Россия спортсменнара күөн көрсүөхтэрэ.

Ол кэннэ Саха сирин хамаандата Сочига Олимпийскай оонньууларга европейскай талыы турнирыгар кыттыахтара. Күрэхтэһии салгыы муус устарга Лондоҥҥа ыытыллыаҕа. Санатар эбит буоллахха, дьаһал былырыын саас саҕаламмыта, ити эрээри коронавируһунан сылтаан, үс хонугунан сабыллыбыта.

Россияттан 52 кг диэри ыйааһыҥҥа евроталыыга ким да киирбэт. Санаттахха, бу ыйааһыҥҥа 2019 сыллааҕы Россия чөмпүйүөнэ Дагестантан Расул Салиев британец Галал Яфайга хотторбута, путевкаҕа тиксибэтэҕэ.

Россия боксердарыгар Олимпиадаҕа кыттар лицензияны ылыы аан дойдутааҕы квалификационнай турнир кэнниттэн быһаарыллар.

Василий Егоров сүрүн утарылаһааччыта РЧ-2020 финалиһа Ахтем Закиров буолар.

Следите за самым важным и интересным в Telegram-канале и WhatsApp-группе ЯСИА
0
0