16 От ыйа 16.07
  • 28°
  • $ 87,81
  • 95,78

«Байанай» өрөспүүбүлүкэтээҕи күрэхтэһии Нам улууһугар буолуоҕа

17:44, 05 марта 2020
Текст:
Читайте нас на
Яндекс Новости
ЯДВ

Нэһилиэнньэҕэ булт туһунан кэпсиир, булт үгэстэригэр ыччаты сыһыарар, чөл олоҕу өрө тутар сыалтан муус устар 2 — 4 күннэригэр «Байанай» XXIV өрөспүүбүлүкэтээҕи булчуттар күрэхтэһиилэрэ Нам улууһугар буолуоҕа. Тэрээһин булчут күнүгэр ананар, диэн СИА-ҕа айылҕа министиэристибэтин пресс-сулууспата иһитиннэрдэ. 


Хамаандалар аҕыстыы киһилээх буолаллар. Муус устар 3 күнүгэр Нам сэлиэнньэтигэр Романовка боротуокаҕа күрэхтэһии кыттыылаахтара МЦ-21-12 сааны хомуйууга, ыһыыга күрэхтэһиэхтэрэ. Кутаа уот уматан чэй оргутуохтара, булт сокуонугар боппуруостарга эппиэттиэхтэрэ, лууҥка хаһыахтара, мэһэйдэрдээх эстафетаҕа киирсиэхтэрэ.

Муус устар 4 күнүгэр СӨ УФСИН уонна «Бэргэн» ССК ытар сирдэригэр спортиҥҥа боруобаланыахтара, бинтиэпкэнэн, булт саатынан ытыахтара.

Саамай элбэх баалы хомуйбут хамаанда кыайыылаах буолуоҕа.

Балаһыанньаны кытта манна билис.

Следите за самым важным и интересным в Telegram-канале и WhatsApp-группе ЯСИА