Бүлүүгэ оттук сезона саҕаланыытыгар саҥардыллыбыт «Көтөх» диэн саҥа хочуолунайы үлэҕэ киллэриэхтэрэ. Эбийиэккэ үлэ хаамыытын «СӨ ОДьКХ » ГУП генеральнай дириэктэрэ Виталий Чикачев бэрэбиэркэлээтэ.
Модернизация чэрчитинэн хочуолунайдар дьиэлэрин иэнин кэҥэттилэр уонна носуостары, эбии оттук киэлитин оҥордулар, улахан диаметрдаах турбалары тартылар.
Ититэр эбийиэк кыамтата үс эбии хочуолунай оборудованиета туруоруллан 10,5 Мвт буолла.
Быйыл Саха сирин тэрилтэлэрин өрөмүөннүүр бырагыраамаларга 2 млрд 191 мөл. солк. ыыттылар.
Санатан эттэххэ, Бүлүү оройуонугар оттук сезона балаҕан ыйын 7 күнүгэр саҕаланар, Саха сиригэр кыстыкка бэлэм уопсай туруга 85% тэҥнэһэр.
