Бүлүү улууһун Үгүлээтигэр халлаан төһө да бүрүллэн турдар, хаар түстэр, дьон көҕө онтон тохтоон турбата. Кыайыы күнүн бэлиэтии оҕолуун улаханныын муһуннулар.
Параадка оскуола «Катюша» массыыналаах оҥостон-туттан кэлбитигэр, дьон сүһүөхтэригэр туран ытыс таһыннылар. «Өлбөт үйэлээх полк» халҕаһатыгар сэриигэ баран суорума суолламмыт аймахтарын бартырыатын тутан хаамтылар. Кинилэр сырдык ааттарын, оҥорбут дьыалаларын ахтан-санаан аастылар.
Өссө биир тэрээһининэн фронт хааһытынан кэлбит дьону күндүлээһин буолла. Кырдьаҕас көлүөнэҕэ «Ахтыаҕыҥ, саныаҕыҥ» көрсүүһүү биэчэрин эдэрдэр тэрийэн ыыттылар.
«Өйдөбүнньүк чүмэчитэ» акциянан Кыайыы күнүн бэлиэтээһин түмүктэннэ.
