17 Тохсунньу 17.01
  • -48°
  • $ 73,82
  • 83,32

Бүлүү бөлөх улуустар оҕолоро Бүлүү эбэни чинчийдилэр

17:17, 24 марта 2016
Текст:

Регионнааҕы «Бүлүү өрүс» кэтэхтэн ыытыллыбыт научнай-практическай куонкуруһа түмүктэннэ. Олус дириҥ хорутуулаах, ис суолталаах үлэлэр баалларын дьүүллүүр сүбэ бэлиэтээтэ.


«Барыта 111 кыттааччы бэйэтин үлэтин ыытта. Үлэлэр бары улуус дьаһалтатын иһинэн миэстэтигэр дьон көрүүтүгэр тахсыбыттара. Кыайыылаахтары  анкетаҕа эппиэттэринэн көрөн үс бөлөххө арааран быһаардыбыт. Хоту дойду прикладной экология институтуттан Г.Н. Саввинов, В.С. Боескоров, Я.Л. Вольперт кэлэн дьүүллүүр сүбэҕэ үлэлээтилэр», — диэн «Тускул» оҕо киинин экологическай култуураҕа иитии отделын педагога Веролина Варламова кэпсээтэ.

Куонкурус түмүгүнэн оскуола иннинээҕи саастаах оҕолорго уруһуй күрэҕэр 1-кы миэстэни Үөһээ Бүлүү Хомустааҕыттан 5 саастаах Кира Николаева ылла. Иккис миэстэҕэ 6 саастаах Бүлүү куоратын «Кустук» оҕо саадын иитиллээччитэ Алина Васильева уруһуйа таҕыста. Уонна үһүс бочуоттаах миэстэни Үөһээ Бүлүүтээҕи «Үрүйэчээн» оҕо саадын 5 саастаах иитиллээччитэ Виолетта Васильева ылла.

Оскуола саастаах оҕолорго бастакы миэстэни Сунтаар улууһун Күндэйэ оскуолатын 7-с кылааһын үөрэнээччитэ Ньургустаана Григорьева, иккиһи Үөһээ Бүлүү Дүллүкү нэһилиэгиттэн Алена Руфова уонна үсүһү Хомустаах оскуола-саад үөрэнээччитэ Милена Прокопьева ыллылар.

Хаартыскалары көрүүгэ Туобуйа орто оскуолатын үлэһитэ Елизавета Сидорова бастаата. Иккис миэстэни 4 №-дээх Д.С. Спиридонов аатынан орто оскуола 1-кы кылааһын үөрэнээччитэ Туймаада Федорова ылла. Оттон үһүс миэстэҕэ 12 №-дээх Үөһээ Бүлүүтээҕи баһаарынай этэрээт начальнигын солбуйааччы Леонид Семенов үлэлэрэ таҕыстылар.

Чинчийэр бырайыактарга анал дьүүллүүр сүбэ быһаарыытынан 1-кы миэстэни Боотулуу орто оскуолатын 9-с кылааһын үөрэнээччитэ Коля Кириллин ылла. Иккис миэстэни Элгээйи орто оскуолатын 10-с кылааһын үөрэнээччитэ Кюнняй Терентьева, үсүһү Боотулуу орто оскуолатын 10-с кылааһын үөрэнээччитэ Дьулустан Федотов ыллылар.

0
0
Тутаах тыллар
17 января 17.01
  • -48°
  • $ 73,82
  • 83,32