Турнир бүгүн уонна сарсын буолар.
Саамай элбэх кыттааччылаах ыйааһын 57 кг диэри — 35 тустуук. Кинилэр ортолоругар Саха сирин сүүмэрдэммит хамаандатыттан фаворит Федор Постников буолар. Тываттан Амир Чамзын, Аяндай Ондар, Бурятияттан — Жаргал Баяндуев, Баир Шагдуров, кинилэри сэргэ Москваттан, Крсноярскайтан уонна Монголияттан спортсменнар бааллар.
61 кг диэри 30 спортсмен суруйтарда, Саха сирин хамаандатын лидерэ, Дмитрий Коркин турнирын кыайыылааҕа Александр Авелов баар. Кинини сэргэ сетка үөһэ чааһыгар Тыва бэрэстэбиитэлэ Альберт Тумат уонна олохтоох бөҕөс Петр Константинов тураллар. Аллара чааһыгар финал 1/8-тан Саха сириттэн Яков Павлов, кинини кытта — Кежик Монгуш (Иркутск), Кудер Монгуш (Тыва), Баир Баяндуев (Бурятия) бааллар.
65 кгдиэри саха тустууктарыгар утарылаһыыны оҥоруохтара Коркин турнирын бөҕөстөрө Виктор Жербаев (Бурятия), Чаяан Монгуш (Иркутск), Кежик Чымба (Красноярск) уонна да атыттар. Саха сириттэн Ньургун Терентьев, Юлиан Григорьев уонна өссө тоҕус бөҕөс.
70 кг диэри турниры киэргэтиэхтэрэ Кирилл Корнеев (Кемерово), Игорь Упхоев (Бурятия), Сайын Казырык (Тыва), Константин Топшиноев (Иркутск).
Саха сириттэн сайаапкалаахтар хамаанда лидердара Константин Капрынов (74 кг), Роман Николаев (79 кг), Андриан Ленский (86 кг), Ньургун Сергин (92 кг), Максим Толмачев (97 кг) уонна Никита Хабаров (125 кг).
Кыайыылаахтар 70 тыһ солк туталлар, үрүҥ көмүс мэтээллээхтэр — 50 тыһ солк, боруонсалар — 30 тыһ солк. Чемпионнар тренердэригэр 20 тыһ солк тутарыахтара. Кыһыл көмүс мэтээллээхтэр ортолоругар 1 мөл солк кээмэйдээх бириис оонньонор.
