Бүгүн Саха сирин арҕаа улуустарыгар, Дьокуускай эргин оҥоһуу ардахтары түһэриэхтэрэ. Маныаха былыттар үрдүктэрэ, температуралара оруоллаах. Билиҥҥитэ сөптөөх былыттар Үөһээ Бүлүү, Мииринэй, Дьокуускай тула мустубуттарынан ардаҕы манна түһэриэхтэрэ.
Саха сиригэр ыксаллаах быһыы-майгы биллэриллиэҕиттэн барыта 41 ойуур баһаарыгар оҥоһуу ардахтары түһэрдилэр. Ардах туһата үрдүгүн, уоту умулуннарыыга 97% көмөлөһөрүн «Авиалесоохрана» көтөр-производственнай сулууспатын салайааччытын солбуйааччы Олег Нетягин иһитиннэрэр.
Бэҕэһээ бырабыыталыстыба бэрэссэдээтэлин солбуйааччы Дмитрий Садовников Ил Дархан быһаарыытынан Ан-26 «Циклон» оҥоһуу ардаҕы ыҥырар анал сөмөлүөт бүгүн Горнай улууһугар кэлиэн иһитиннэрбитэ.
