Биллэрин курдук, Россия бэрэсидьиэнин бу дьыл муус устар 5 күнүнээҕи 156 №-дээх Ыйааҕынан РФ Наркотигы хонтуруоллуур федеральнай сулууспата диэн аны суох буолбута.
Итинэн сибээстээн, бүгүҥҥэттэн, ол эбэтэр, ыам ыйын 20 күнүттэн, наркотигы уонна өйү туймаардар веществолары эргитиини хонтуруоллуур уорганнар наркотикка сыһыаннаах иһитиннэриилэри, сайабылыанньалары ылан бүтэллэр.
Бу сабыллар сулууспа соруктара ис дьыала уорганнарыгар бэриллэллэринэн, наркотикка сыһыаннаах буруйдар туһунан иһитиннэриилэри, сайабылыанньалари аны полиция ылар, регистрациялыыр, арыйар.
