24 От ыйа 24.07
  • 25°
  • $ 87,3
  • 95,46

"Азия оҕолоро": Хапсаҕайга саха уола Сергей Каратаев көмүс мэтээли иилиннэ

12:29, 14 июля 2016
Текст:
Читайте нас на
Яндекс Новости
ЯДВ

От ыйын 13 күнүгэр Дьокуускайга «Триумф» спортивнай кииҥҥэ хапсаҕай күрэхтэһиитэ буолан ааста. Саха уола Сергей Каратаев 62 киилэҕэ сүрүн утарсааччыларын төкүнүтэлээн, кыһыл көмүс мэтээл хаһаайынынан буолла. 


Сергей финалга биир дойдулааҕын, тэҥҥэ дьарыктанар үөлээннээҕин Вильям Ючюгаевы түргэнник уонна ыраастык хотто. Оттон Сибиир биир бастыҥ хапсаҕайдьыта Анаш Апуш, биһиги уолаттарбытыгар хотторон, боруонса мэтээлинэн эрэ муҥурданна.

«Бастатан туран, миэхэ наһаа күүскэ «ыалдьыбыт», кыайарбар эрэ баҕарбыт биир дойдулаахтарбар, хапсаҕайы таптааччыларга махтаныам этэ. Кинилэр өйөбүллэрэ миэхэ күүспэр күүс эбэн туһалаата. Утарсааччыларбын: Индия уолун уонна үһүс буолбут Сибиир бөҕөһүн, бастакынан кимэн киирэр тактикабын тутуһан, чэпчэки соҕустук кыайталаатым», — диэтэ хапсаҕайга сахалартан соҕотох «көмүстээх» чөмпүйүөммүт Сергей Каратаев.

Сибиир күүстээх тустууктара 50-тан үөһэ киилэҕэ Иши Екер Оол уонна 70-тан үөһэ киилэҕэ Домбаанай Авурал утарсааччыларын барыларын хаардыы кэһэн, чөмпүйүөн үрдүк аатын ылыахтарын ыллылар.

Следите за самым важным и интересным в Telegram-канале и WhatsApp-группе ЯСИА