29 Кулун тутар 29.03
  • -10°
  • $ 92,26
  • 99,71

Атырдьах ыйын 1 күнүттэн Дьааҥы улууһун олохтоохторугар көмө төлөбүрдэри биэрэн саҕалыахтара

Читайте нас на
Яндекс Новости
ЯДВ

От ыйын 31 күнүнээҕи туругунан, халаан уутуттан эмсэҕэлээбит Дьааҥы нэһилиэктэрин олохтоохторуттан биир кэлим көмө ыларга 5741 сайабылыанньа түһэрилиннэ, олортон  2809 сайабылыанньаҕа көмө биэрэр туһунан быһаары ылылынна, диэн Арктика уонна Хотугу норуоттар дьыалаларыгар миниистир Владимир Черноградскай бэйэтин телеграмм-ханаалыгар суруйда.

Кини этэринэн, үчүгэй быһаарыыны 2034 сайабылыанньаҕа ыллылар, 725 сайабылыанньаҕа аккаастаатылар. Дьон бэнидиэнньиккэ төлөбүрдэрин тутуохтара диэн, Черноградскай бэлиэтээтэ.

«Оперативнай штабка хоромньуну ааҕыы үлэтэ ыытыллар. Билигин 347 чааһынай олорор дьиэлэргэ, 85 элбэх кыбартыыралаах дьиэлэргэ уонна 22 социальнай эбийиэккэ докумуоннары оҥотторо ыыттылар. Чөлүгэр түһэрэр үлэҕэ төһө үп наадатын быһаарарга анал хамыыһыйа үлэлии сылдьар, манна дьиҥнээх хоромньутун ааҕыахтаахтар. Аныгыс нэдиэлэҕэ ити үлэлэр түмүктэниэхтэрэ диэн эрэнэбит», — диэн миниистр эбэн эттэ.

Следите за самым важным и интересным в Telegram-канале и WhatsApp-группе ЯСИА