19 От ыйа 19.07
  • 14°
  • $ 87,88
  • 96,1

Арассыыйа Почтата Саха АССР 100 сылыгар аналлаах кэмбиэрдэри уонна аккырыыккалары таһаарда

Читайте нас на
Яндекс Новости
ЯДВ

Саха АССР 100 сылыгар анаан, Арассыыйа Почтата коллекционердарга диэн 2500 аккырыыкканы уонна 100 тыһыынча кэмбиэри таһаарда. Кэмпиэргэ үбүлүөйнэй сыл эмблемата, оттон аһаҕас аккырыыккаҕа өрөспүүбүлүкэ каартата ойууламмыт. Почта анал штемпелинэн үөрүүлээх гашение «Сахамедиа» өрөспүүбүлүкэтээҕи медиа-киинигэр буолла диэн СИА иһитиннэрэр. 

Гашение үөрүүлээх сиэригэр- туомугар саха сирин премьерэ Андрей Тарасенко кыттыыны ылла. Үбүлүөйдээх кэмпиэрдэр уонна аккрыыккалар историяны сыаналыыр дьон коллекцияларын биир тутаах киэргэтиитэ буоларын бэлиэтээтэ уонна аккырыыккалар өрөспүүбүлүкэ эрэ бары муннуктарыгар буолбакка, бүтүн дойду араас сиригэр тиийиэхтэрэ диэн эрэнэрин биллэрдэ.

«Биһиги өрөспүүбүлүкэбит үйэлээх үбүлүөйүн туһунан олохтоохтор эрэ буолбакка атын сир-дойду дьоно эмиэ билиэхтэрэ. Кэмбиэрдэргэ 2022 сыл муус устар 27 күннээҕи анал штемпель туруорулунна, маннык бэчээт историяны биһириир дьоҥҥо улахан суолталаах, хомуйар коллекионердарга сыаннаһа үрдээн биэрэр», — диэтэ премьер.

Саха сиригэр федеральнай почта сибээһин управлениетын дириэктэрэ Петр Птицын кэмбиэрдэр уонна аккырыыккалар Саха норуотугар историческай суолталаахтарын уонна өрөспүүбүлүкэ үгүс олохтоохторугар өйдөбүнньүк бэлэх буолалларын бэлиэтээтэ. Барыта 100 тыһыынча экземпляр кэмбиэр уонна 2500 аккырыыкка оҥоһуллан таҕыста, уонна билигин регионнааҕы почта бары салааларыгар тарҕанна.

«Аккырыыкканан эбэтэр кэмбиэринэн туһанан чугас дьонугар сурук ыытар хас биирдии киһи үбүлүөйдээх тэрээһиҥҥэ бэйэтин кылаатын киллэриэҕэ. Мин бүгүҥҥү  бүгүн ыыппыт үөрүүлээх гашениебыт кэмбиэрдэрэ уонна аккырыыккалара өр сылларга өйдөбүнньүк быһыытынан халыахтара диэн эрэнэбин уонна Саха АССР 100 сыллаах үбүлүөйэ история чаҕылхай кэрдииһэ буолуо дии саныыбын», — диэн Петр Птицын тоһоҕолоон эттэ.

Бу тэрээһиҥҥэ Саха сирин инновацияҕа, цифровой сайдыыга уонна информационнай технологияҕа миниистирэ Анатолий Семенов кытынна.

Следите за самым важным и интересным в Telegram-канале и WhatsApp-группе ЯСИА