28 Кулун тутар 28.03
  • -13°
  • $ 92,59
  • 100,27

Андрей Малаховка ыалдьыттаабыт мэҥнээх сахалар бүгүн телебиэриигэ көстүөхтэрэ

14:30, 26 февраля 2018
Текст:
Читайте нас на
Яндекс Новости
ЯДВ

Ураты дьүһүннээх саха кыыһа Ирина Павлуцкая «Россия1» ханаалга «Прямой эфир» диэн Андрей Малахов биэриитигэр кытынна. 26 саастаах Ирина «нейрокожный меланоз» диэн ыарыылаах — тириитэ бүтүннүү мэҥ. News.Ykt.Ru биэрбит интервьютугар Ирина төрөөтүн кытта ийэтэ киниттэн аккаастаммытын, дьоҥҥо көстүбэккэ буола сатыырын туһунан кэпсиир.


Ураты дьүһүннээх кыыһы Интернет эйгэтигэр бастакынан фотограф Вадим Руфов таһаарбыта. Онтон ыла Ирина дьүһүнүттэн кыбыстыбат, бэйэтин хайдах баарынан ылыммыт. Салгыы эмиэ меланозтаах 15 саастаах Никита Хону кытта билсибитэ. Никита Малахов биэриитигэр эмиэ кытынна.  

Биэрии бастакы чааһа бүгүн 17:55 ч. «Россия 1» ханаалга көстүөҕэ. 

Вадим Руфов, фотограф:

— Былырыын ахсынньыга альбинос кыыс Нарияналыын «НТВ» ханаал «Звезды сошлись» биэриитигэр уһуллубуппут. Онно продюсердар интэриэһинэй дьону ыйыталаспыттара. Мин Ирина уонна Никита тустарынан кэпсээбитим. Ханнык биэриигэ уһулларбытын чопчу билбэт этибит. Кэлин билбиппит, Андрей Малаховка баран иһэр эбиппит. Биэриини олунньу 21 күнүгэр устубуттара. Үксүн Ирина Павлуцкаяҕа ананна. 

Следите за самым важным и интересным в Telegram-канале и WhatsApp-группе ЯСИА