Анаабыр национальнай оройуонун урукку баһылыгыттан 72 мөл. солк. тахса суумалаах хамсаабат баайы ирдээн ыллылар, бу туһунан регион прокуратурата иһитиннэрэр.
2016-2022 сс. Анаабыр оройуонун баһылыга уонна кини дьиэ кэргэнин чилиэннэрэ сыаналаах хамсаабат баай-дуол эбийиэктэрин атыыласпыттар. Ол иһигэр Toyota Land Cruiser Prado массыына, Дьокуускайга гараж, Санкт- Петербурга уонна Москваҕа кыбартыыралар, ону тэҥэ 400-тэн тахса кв. м иэннээх чааһынай дьиэни туттубуттар.
Баай- дуол сыаната бу киһи сокуоннай дохуотун лаппа куоһарар, атын сиртэн эбии дохуот кэлэрин туһунан туоһу суругу суукка биэрбэтэх.
