Саха Өрөспүүбүлүкэтин Ил Дархана Айсен Николаев Амма улууһугар оробуочай сырыытын кэмигэр Абаҕа сэлиэнньэтигэр үүт собуотун аһыллыытыгар кытынна. Биир симиэнэҕэ 3 туоннаҕа диэри үүтү оҥорон таһаарар кыамталаах тэрилтэ тыа хаһаайыстыбатын дьоҕус эбийиэктэрин тутууну уонна саҥардыыны өйүүр бырагыраама чэрчитинэн тутулунна.
«АбаҕаАгро» СППК бас билиитигэр баар собуот улуус олохтоохторун уонна социальнай тэрилтэлэрин хаачыстыбалаах олохтоох аһынан-үөлүнэн хааччыйыаҕа.
«Тыа сиригэр оҥорон таһаарыыны сайыннарыы — Саха сирин агропромышленнай комплексын биир сүрүн суолталаах хайысхата. Маннык бырайыактар тыа хаһаайыстыбатын оҥорон таһаарааччыларыгар эрэли үөскэтэллэр, батарыы саҥа кыахтарын арыйаллар уонна дьоҥҥо дьиҥ туһаны аҕалаллар», — диэн бэлиэтээтэ Айсен Николаев.
Маны сэргэ өрөспүүбүлүкэ баһылыга «АбаҕаАгро» СППК кэлэктиибигэр, бааһынай хаһаайыстыбалар үлэһиттэригэр уонна олохтоохторго Амма улууһун уонна Саха сирин сайдыытыгар киллэрбит кылааттарын, үлэлэрин-хамнастарын, көхтөөхтүк кыттыыларын иһин махтанна.
