2019 сыллаахха Аммаҕа Норуоттар спартакиадалара буолан ааспыта. Онно аан бастаан Амма символларын толкуйдаан, сонун идиэйэ олоххо киирбитэ.
Ол курдук, Дьэдьэн, Таммах, Сардаана, Бурдук курдук куукулалар баар буолбуттара.
![](https://sakha-sire.ru/wp-content/uploads/2024/06/01.jpg)
Былырыын Аммаҕа ыытыллыбыт Адаптивнай успуорт спартакиадатыгар Харама хайатын символа баар буолбута. Быйылгы Олоҥхо ыһыаҕар бу куукула-символлар Олоҥхо персонажтарынан буоллулар. Ол курдук, Дьэдьэн — Бухатыыр, Таммах (Амма өрүс) — Удаҕан кыыс, Харама хайата — Ыһыахтыы кэлбит дэйбиирдээх уол, Сардаана — Туйаарыма Куо, Бурдук — Аттаах көтүтэн иһэр уол. Онон Кыыс Амма символлара Олоҥхо ыһыаҕын өр сылларга өйдүү-саныы сылдьарга олоҥхо дьоруойдара бэлэх буолан, бу суолталаах өрөспүүбүлүкэтээҕи тэрээһини тэрийсибит дьоҥҥо үйэ-саас тухары быйылгы Олоҥхо ыһыаҕын саната сылдьыахтара.
Бу туһунан Амма улууһун баһылыгын социальнай боппуруостарга солбуйааччы Ньургуйаана Илларионова маннык кэпсээтэ:
Ааптар: Елена Потоцкая, Саха сирэ саайт