21 Тохсунньу 21.01
  • -48°
  • $ 73,82
  • 83,32

Александр Жирков: «Демократия тускула кэһиллиэ суохтаах»

11:24, 17 февраля 2016
Текст:

Саха Өрөспүүбүлүкэтин Ил Түмэнин Бэрэссэдээтэлэ Александр Николаевич Жирков сайабылыанньата.


Сонуну киэҥник тарҕатар ситим биллэрэринэн, Российскай Федерация Федеральнай Мунньаҕын сэттис ыҥырыылаах Судаарыстыбаннай Думатын быыбарыгар биир мандааттаах уокуруктарга биир партия кандидаттарын булгу талларар сыалтан дойду политическай партиялара бөлөҕүнэн кыттыгас сөбүлэһиини түһэрсэргэ соруналлар.

Бу сөбүлэһии ис дьиҥэр бэлиитикэ араас өрүттээх уонна элбэх партия баар буолуутугар утарсар, гражданнар Төрүт сокуонунан көрүллүбүт сүрүн бырааптарын кэһэр.

Политическай партиялар гражданнар уопсастыба уонна судаарыстыба политическай олоҕор көхтөөхтүк уонна көҥүллүк кытталларын хааччыйар туһугар тэриллэллэр. Партиялар политическай былаас иһин киирсиилэригэр уопсастыба уонна судаарыстыба бигэтик сайдар хайысхата талыллан, гражданнар сомоҕолоһуулара ситиһиллэр. Норуот былааһа дьиҥ көҥүл демократическай быыбарынан эрэ олохтонор.

Саха Өрөспүүбүлүкэтин бары ыҥырыылаах парламена тэҥ уонна быһаччы быыбардыыр быраапка олоҕуран, кистэлэҥ куоластааһынынан, гражданнар көҥүл санааларынан талыллыбыта. Инникитин даҕаны бу тускулу, ол иһигэр Российскай Федерация Судаарыстыбаннай Думатын быыбарыгар эмиэ, өрөспүүбүлүкэ бары политическай партиялара бигэтик тутуһуохтаахтар.

Саха Өрөспүүбүлүкэтин Ил Түмэнэ биир кандидаты эрэ өрө тутар туһуттан партиялар икки ардыларыгар дуогабары түһэрсии ньыматын туһана сатыылларын өйөөбөт. Саха Өрөспүүбүлүкэтин бар дьонун дьокутааттара судаарыстыбаннай былаас талыллар уорганыгар быыбар быыбардааччы сокуонунан мэктиэлэммит быраабын тумнан туран ыытылларын утараллар.

Биһиги өрөспүүбүлүкэбитигэр быыбар, киһи бэйэтин санаатын көҥүллүк этэригэр олоҕуран, төрүт сокуонунан мэктиэлэммит быраабын тутуһан, өрөспүүбүлүкэҕэ баар политическай партиялары уонна нэһилиэнньэ бары араҥатын туох да харгыһа суох кытыннаран туран, ыытыллыахтаах.

Ил Түмэн пресс-сулууспата.

0
0
21 января 21.01
  • -48°
  • $ 73,82
  • 83,32