13 От ыйа 13.07
  • 19°
  • $ 87,74
  • 95,76

Алаһыай уонна Иккис Мээтис оттуур сирдэрэ 90% ууга бардылар

Читайте нас на
Яндекс Новости
ЯДВ

Орто Халыма улууһун үрдүнэн 2015 сылга от былаана 9200 тонна этэ, былаан 90% туолбута. Кыстыкка 7800 тонна тиийбитэ. Аллараа Халыма улууһун Черскэй бөһүөлэк «Незабудка» бааһынай хаһаайыстыбатыгар 20 тонна атыыламмыта. Онон быйыл 8567 тонна былаан ылылынна.


Быйыл ардахтаах, тымныы сайын буолла. Сорох сиргэ от үүнүүтэ мөлтөх, оттуур сирдэр ууга бардылар. Иккис Мээтис уонна Алаһыай нэһилиэгэр оттуур сирдэргэ уу таһыма үрдүк.

От ыйын 15 күнүнээҕи туругунан, Алаһыай өрүс таһыма 718 см буолан турар, кутталлаах таһым 750 см. тэҥнэһэр. «Чугас оттуур сирдэр 90% ууга бардылар», — диэн тыа хаһаайыстыбатын улуустааҕы управлениетын салайааччытын солбуйааччыта М.А. Шарина иһитиннэрдэ.

Иккис Мээтис нэһилиэгин дьаһалтатын баһылыга И.Д.Колесов биллэрбитинэн, Сыбаатайга уу таһыма түһэн испит, ол гынан баран кэнники күҥҥэ ардахтаан, уу 2 см эрэ түспүт. «Онон, Арҕахтаахха уу өтөрүнэн түһэрэ биллибэт, оттуурга кыһалҕалары үөскэтэр кутталлаах», — диэтэ кини.

«Өлөөкө Күөлэ» сылгы иитэр биригээдэтэ 22 га оҕуста, 2 тонна оттоох. Бааһынай хаһаайыстыбалар эмиэ окко киирдилэр. Уопсайа 32 тиэхиникэ үлэлии сылдьар. Онон, нэһилиэккэ 10 звено (2 толору механизациялаах, 7 механизация аҥаардаах уонна 1 илиинэн) окко киирдэ.

Байды нэһилиэгин тыатын хаһаайыстыбатын исписэлииһэ А.В.Рязанскай Сапыылдьыны, Нуучча Билиитин, Малааһы көрөн кэлбит. Кини этэринэн, дулҕа астарыллыбыт сирдэригэр үүнүү мөлтөх, оттон Малааска өртөммүт буолан, үчүгэйдик үүммүт. Онон 5 киһилээх биригээдэ бу күннэргэ Малааска оттуу киириэҕэ. Биригээдэ 2 МТЗ, 1 Вейтуо тыраахтардарынан оттуоҕа.

Следите за самым важным и интересным в Telegram-канале и WhatsApp-группе ЯСИА