Саха сиригэр атырдьах ыйыгар 841 оҕо күн сирин көрдө: 459 уол уонна 382 кыыс. Өрөспүүбүлүкэтээҕи ЗАГС управлениетыгар саҥа төрөөбүт оҕолор ортолоругар ордук элбэхтэ уонна сэдэхтик бэриллэр ааттары ааттаатылар, СИА суруйар.
Атырдьах ыйыгар төрөөбүт уолаттарга ордук элбэхтэ Лев, Айтал, Иван, Артем, Дамир, Тимофей, Матвей, Марк ааттары биэрбиттэр. Сэдэх соҕустук — Будимир, Вильямин, Властимир, Гектор, Дэн, Лион, Матфей, Орлан.
Кыргыттар быыстарыгар ордук сөбүлээн Кэрэли, Аделина, Мия, Амалия, Ева, Эмилия, Алиса, Виктория, София диэн ааттары иҥэрбиттэр. Сэдэх ааттар испииһэктэригэр-Августа, Белла, Вивиана, Дара, Кайя, Лана, Максилена, Осия, Сия киирбиттэр.
2024 сылга аҕыс ый устатан өрөспүүбүлүкэҕэ 7110 оҕо төрөөбүт, кинилэртэн 3515 -кыыс, 3595-уол.
