Айсен Николаев Саха сиринээҕи Счетнай палаата саҥа анаммыт бэрэссэдээтэлэ Алена Федоровалыын көрүстэ. Ил Дархан үлэ соруктарын туруорда.
«Буруйу оҥорууну тохтотууга эрдэттэн үлэни ыытыыга уонна сэрэтиигэ регионнааҕы уонна муниципальнай хонтуруоллуур уоргаттар бииргэ күүскэ үлэлииллэрин ситиһиэххэ наада», — диэтэ Айсен Николаев Саха сиринээҕи Счетнай палаата саҥа талыллыбыт бэрэссэдээтэлэ Алена Федорованы кытта көрсүһүүтүгэр.
Алена Федорова эппитинэн, Счетнай палаата улуустардааҕы хонтуруоллуур-счетнай уоргаттары кытта бииргэ үлэлиир, методологическай көмө оҥорор уонна бюджет харчытын туттан оҥоһуллуон сөптөөх буруйу эрдэттэн тохтотор үлэни ыытар былааннаах.
Кини өрөспүүбүлүкэ парламенын профильнай кэмитиэттэрин кытта үлэ былаанын билиһиннэрдэ.
Хаартыска: Андрея Сорокина
