Ойуур баһаардарын боппуруоһа өрөспүүбүлүкэҕэ сытыытык турар. От ыйын 2 күнүнээҕи туругунан, 105 умайыы баар, уопсай иэнэ 350 тыһыынча гектар. От ыйын 1 күнүгэр РФ бырабыыталыстыбатын хамыыһыйатын мунньаҕар федеральнайдааҕы таһымнаах ЧС эрэһиимин ылынар туһунан быһаарыы киирбитэ.
«Бүтэһик үс күҥҥэ ойуур баһаарын аҕыйаттыбыт. Бэс ыйын 28 күнүгэр 180 уот баара бэлиэтэммитэ. «Авиалесоохрана», ойуур баһаарын утары үлэлиир тэрилтэлэр, дьон хорсун үлэтин түмүгэр уоту бохсууну ситистибит. Уопсайа 350 тыһыынча гектар иэннээх сир уотунан сиэннэ, онтон 116 тыһыынчатын умуруордубут. Саамай улахан баһаар Томпо оройуонугар буолла, 112 тыһыынча гектары уоттан босхолоотубут», — диэтэ Айсен Николаев.
Сиһилии https://ysia.ru/ajsen-nikolaev-95-lesnyh-pozharov-v-yakutii-voznikayut-iz-za-prirodnyh-yavlenij/
