26 От ыйа 26.07
  • 19°
  • $ 85,41
  • 93,17

Айсен Николаев Михаил Мурашконы кытары көрүстэ

12:02, 17 июля 2020
Текст:
Читайте нас на
Яндекс Новости
ЯДВ

Айсен Николаев Россия доруобуйа харыстабылыгар миниистирин Михаил Мурашконы кытары көрүстэ. Көрсүһүү кэмигэр Ил Дархан коронавирус дьаҥын тула, Саха сиригэр саҥа COVID-киинин тутуу, Национальнай мэдиссиинэ киинин саҥардыы тустарынан боппуруостары көтөхтө. Бу туһунан СИА Ил Дархан уонна Бырабыыталыстыба пресс-сулууспатын иһитиннэриитигэр сигэнэн кэпсиир.  


Ил Дархан өрөспүүбүлүкэҕэ COVID-19 дьаҥын бопсууга туох-ханнык үлэ бара турарын кытары билиһиннэрдэ уонна Дьокуускай куоракка 245 миэстэлээх инфекционнай балыыһа дьиэтин тутар наадалааҕын эттэ. «Пандемия өрөспүүбүлүкэҕэ COVID-киинэ наадалааҕын көрдөрдө», — диэтэ Айсен Николаев.

Маны таһынан, Ил Дархан Национальнай мэдиссиинэ киинин саҥардары эттэ. «27 сыл устата Кииҥҥэ сылын аайы 100 тыһ кэриҥэ киһи араас доруобуйаны бөҕөргөтөргө аналлаах көмөнү ылар. 20 тыһ ыарыһах балыыһаҕа сытан эрэ эмтэнэр. Киин 12 тыһ тахса араас уустук эпэрээссийэни оҥорор. Сылга 2 тыһ тахса оҕо төрүүр, үс млн анализ оҥоһуллар», — диэтэ өрөспүүбүлүкэ салайааччыта.

Ил Дархан Киин өрөспүүбүлүкэҕэ улахан оруоллааҕын, мэдиссиинэ тэрилэ эргэрбитин ыйан туран Уһук Илини сайыннарыы национальнай бырайыагын чэрчитинэн Киини саҥардыыга миниистиртэн үбүлээһини өйүүрүгэр көрдөстө.

Сиһилии манна аах https://ysia.ru/ajsen-nikolaev-vstretilsya-s-ministrom-zdravoohraneniya-rossijskoj-federatsii-mihailom-murashko/

Следите за самым важным и интересным в Telegram-канале и WhatsApp-группе ЯСИА