17 От ыйа 17.07
  • 19°
  • $ 88,28
  • 96,26

Айсен Николаев 2020 сылы Саха сиригэр Патриотизм сылынан биллэрэр туһунан ыйаахха илии баттаата

Читайте нас на
Яндекс Новости
ЯДВ

Ил Дархан Айсен Николаев «Саха Өрөспүүбүлүкэтигэр Патриотизм сылын ыытар туһунан» ыйаахха илии баттаата.


Санатар эбит буоллахха, Айсен Николаев Ил Түмэҥҥэ анал этиитигэр 2020 сылы Саха сиригэр Патриотизм сылынан биллэрэр туһунан эппитэ. Ил Дархан Кыайыы 75 сылыгар төрөөбүт дойду дьоруойдуу историятыттан саамай үтүө сүмэтин ылар наадатын бэлиэтээбитэ.

Кини бу сыл история үгэстэрэ ситэрсэн биэрэллэригэр, ыччат төрөөбүт дойдутугар ытыктабыллаахтык сыһыаннаһарыгар иитиигэ бигэ турук оҥоһулларыгар эрэнэрин биллэрдэ. «Саамай сүрүн сорук — биһиги оҕолорбут уонна ыччаппыт бэйэлэрин кыахтарыгар эрэллээх, төрөөбүт дойдуларыгар ситиһиилээх буолуулара», — диэн соругу туруорда Николаев.

Ыйаахха олоҕуран, 2020 сыл Патриотизм сылынан биллэриллэр. «Судаарыстыба духовнай-нравственнай төрүттэрин бигэ туруктаах оҥорор, түмсэр-сомоҕолоһор, дойду историятыгар уонна аныгы ситиһиилэринэн киэн туттар, култуураҕа, үгэстэргэ уонна Аҕа дойду историятыгар убаастабыллаахтык сыһыаннаһар сыаллаах ылыллар» диэн суруллар докумуоҥҥа.

Баһылык бырабыыталыстыбаҕа тэрийэр кэмитиэт састаабын уонна ыытыллар үлэлэр былааннарын бигэргэтэр туһунан сорудах биэрдэ. Олохтоох муниципалитеттарга, уопсастыбаннай түмсүүлэргэ уонна тэрилтэлэргэ Патриотизм сылын бэлэмигэр уонна ыытыыга көхтөөхтүк кытталларыгар сүбэлээтэ.

Следите за самым важным и интересным в Telegram-канале и WhatsApp-группе ЯСИА