Арктикатааҕы агротехнологическай университекка үөрэх чааһа ахсынньы 1 күнүгэр диэри сүрүннээн дистанционнайдык ыытыллыаҕа, үөрэх кыһатын пресс-сулууспата иһитиннэрэр.
- 1 куурус устудьуоннара, СПО, 9 кылаас баазата – дистанционно;
- Истэн-кэтэхтэн уонна кэтэхтэн үөрэнээччилэр, бары куурустар — дистанционно;
- 1-5 куурус истэн үөрэнэр устудьуоннара (дистанционно уонна үгэс быһыытынан). Сорох лабораторнай уонна практическай дьарыктар университекка ыытыллыахтара, оттон лекциялар уонна теоретическай семинардар – дистанционно. Расписание усутудьуоннар бэйэ-бэйэлэрин кытта алтыспаттарын курдук оҥоһулунна.
АГАТУ сотрудниктара уонна устудьуоннара тумуу сибикилээхтэр бары дьиэлэригэр олороллор. Доруобуйаларыгар мөлтөөһүн бэлиэтэммэт.
Уопсайдарга анал секциялар олохтоннулар. Онно тумуу сибикилээхтэр тута киирэллэр. Чааһынай медицина клиникатын кытта дуогабардаһан, устудьуоннар доруобуйаларын кэтээн көрүүгэ сыһыарылынна. Бородууктаны уонна күннээҕи туттар малы-салы алтыһыыта суохтириэрдии тэрилиннэ.
Быһа төлөпүөн нүөмэрэ +7 (968) 154-49-85.
9.00 — 18.00 ч.ч. устудьуоннар, кинилэр төрөппүттэрэ эрийэн консультациялаһыахтарын сөп. Суһал иһитиннэриигэ наадыйааччылар деканакка эбэтэр бөлөх кураторыгар төлөпүөннүөхтэрин сөп.
